Կրթվելը նորաձև է

Նպատակ ունենալով կրթությունը դարձնել հանրային-հասարակական կյանքի թիվ մեկ տրենդը, անձամբ կրթվել, կրթել կրթողներին, մթնոլորտը փոխել այնպես, որ կրթվելը լինի նորաձև՝ «Իմ Քայլը» հիմնադրամը մեկնարկում է «Կրթվելը նորաձև է» նախաձեռնությունը: Նախաձեռնության շրջանակում  Հիմնադրամը հրավիրում է հանրային-հասարակական կյանքում ակտիվորեն ներգրավված, սոցիալական և մեդիա հարթակներով  կարծիք ձևավորող և տարածող անձանց մասնակցելու «Հաղորդակցության հմտություններ» խորագրով մասնագիտական վերապատրաստման և կարողությունների զարգացման դասընթացին, որը կվարի Ամերիկյան համալսարանի բիզնեսի կառավարման ծրագրի ղեկավար, ռազմավարության և հաղորդակցության պրոֆեսոր Սերգեյ Թանթուշյանը:

«Հաղորդակցության հմտություններ» դասընթացը կացկացվի մի քանի բաղադրիչներով՝

• Համոզիչ հաղորդակցում (8 ժամ)
• Անհատական և կազմակերպական արժեքների համապատասխանեցում (4 ժամ)
• Պատմելու արվեստը (4 ժամ)
• Փոփոխությունների կառավարում (4 ժամ)
• Կառավարում մշակութային բազմազանության պայմաններում (8 ժամ)

«Հաղորդակցության հմտություններ» դասընթացին մասնակցելու համար խնդրում ենք Ձեր տվյալներն ուղարկել [email protected] էլեկտրոնային հասցեին՝ կցելով կարճ ինքնակենսագրական: Դասընթացի կազմակերպումը կկրի պարբերական բնույթ, իսկ ժամկետների վերաբերյալ Հիմնադրամը լրացուցիչ կտեղեկացնի գրանցված շահառուներին: