Խաչփարի միջնակարգ դպրոցի սաները՝ «Պարկեր» լարային քառյակի համերգին

29 Մայիսի, 2019
Մարզաբնակ երեխաների համար երեւանյան մշակութային կյանքը հասանելի դարձնելու՝ «Իմ քայլը» հիմնադրամի նախաձեռնության շրջանակներում երեկ Երեւանում էին Արարատի մարզի Խաչփար գյուղի միջնակարգ դպրոցի մի խումբ սաներ՝ մասնակցելու «Երեւանյան հեռանկարներ» դասական երաժշտության փառատոնի հերթական համերգին։

Նախքան համերգի մեկնարկը, Խաչփարի համայնքապետարանի աջակցությամբ Երեւան եկած երեխաները շրջեցին «Արամ Խաչատրյան» համերգասրահում, ծանոթացան շենքի կառուցման եւ գործունեության պատմությանը, քննարկեցին արվեստի ու մշակույթի դերը հասարակության կյանքում։ Այնուհետեւ «Գրեմմի» մրցանակի դափնեկիր ամերիկյան «Պարկեր» լարային քառյակի կատարմամբ ունկնդրեցին Մոցարտի եւ Դվորժակի ստեղծագործություններից։

Երեխաների եւ նրանց ուսուցիչների՝ համերգին մասնակցության տոմսերը տրամադրվել էին «Երևանյան հեռանկարներ» փառատոնի կողմից։ Հիշեցնենք, որ փառատոնն անցկացվում է «Իմ քայլը» հիմնադրամի աջակցությամբ։

29 Մայիսի, 2019
Նորություններ

Այլ լուրեր

news-listing-img
date piker 09 Սեպտեմբերի, 2019
«Իմ քայլը» հիմնադրամը «Գեղարվեստական տպագրության երկրորդ միջազգային բիենալե, Երևան 2019»-ի աջակիցների թվում է
Սեպտեմբերի 7-ին «Մշակութային երկխոսություն» կազմակերպության նախաձեռնությամբ «ՀայԱրտ» մշակութային կենտրոնում ադեն երկրորդ անգամ մեկնարկեց «Գեղարվեստական տպագրության երկրորդ միջազգային բիենալե, Երևան 2019»-ը, որն իր տեսակով լայնածավալ մրցույթ-փառատոն է։ Այն կընթանա մինչև նոյեմբերի 7-ը: Բիանալեի իրականացմանն աջակցել է նաև «Իմ քայլը» բարեգործական հիմնադրամը։
news-listing-img
date piker 28 Օգոստոսի, 2019
«Մեկ մարզ, մեկ երգ» կամ ինչպես Հայաստանի ու Արցախի մասին աշխարհին պատմել երաժշտության միջոցով
«Իմ քայլը» հիմնադրամի աջակցությամբ Հայաստանում մեկնարկել է մի շատ ինքնատիպ երաժշտական-մշակութային նախաձեռնություն, որը հավակնում է դառնալ դեպի Հայաստան զբոսաշրջությունը խթանող յուրահատուկ այցեքարտ։
news-listing-img
date piker 19 Օգոստոսի, 2019
«Մեր նպատակը պետք է լինի կարճ ժամանակում սա դարձնել ծաղկուն և չափազանց խնամված վայր». Աննա Հակոբյան
Օգոստոսի 16-ին «Իմ քայլը» հիմնադրամի Հոգաբարձուների խորհրդի նախագահ Աննա Հակոբյանը, Հիմնադրամի գործադիր տնօրեն Հովհաննես Ղազարյանը, ՀՀ կրթության, գիտության, մշակույթի և սպորտի նախարարի տեղակալ Արա Խզմալյանն այցելել են Դիլիջանի Կոմպոզիտորների ստեղծագործական տուն՝ տեղում ծանոթանալու մեր երկրի համար մշակութային այս կարևոր հաստատության խնդիրներին։