Բարի գործը վարակիչ է

22 Հոկտեմբերի, 2019
«Իմ ուղին» վերականգնողական կենտրոնը վերջերս նոր մասնաշենք ունեցավ նաև «Իմ քայլը» հիմնադրամի աջակցությամբ։

Հիմնադրամն աջակցել էր կենտրոնի նոր մասնաշենքի վերանորոգման և վերակառուցման աշխատանքներին՝ հատկացնելով 14 մլն 400 հազար դրամ։ Մասնաշենքի բացման արարողությունը տեղի ունեցավ սեպտեմբերի 28-ին, որին ներկա էին «Իմ քայլը» հիմնադրամի հոգաբարձուների խորհրդի նախագահ Աննա Հակոբյանը, հիմնադրամի գործադիր տնօրեն Հովհաննես Ղազարյանը, բազմաթիվ այլ հյուրեր, կենտրոնի աշխատակիցներ, սաներ։

Նորաբաց մասնաշենքում կկազմակերպվեն արտթերապիայի շրջանակներում գործող ստեղծագործական մի շարք խմբակներ, որոնց շնորհիվ դեռահասները ձեռք կբերեն մասնագիտական հմտություններ թղթի արտադրության, բացիկների պատրաստման, գեղանկարչության, կավագործության ոլորտում, ինպես նաև հնարավորություն կունենան ընդգրկվելու պարի, երգեցողության, խոհարարության, դաշնամուրի դասարաններում։ Նորաբաց մասնաշենքում կգործի նաև համակարգչային գիտելիքների և այգեգործության խմբակ։

Ուրախ ենք արձանագրել, որ վերականգնողական կենտրոնի նոր մասնաշենքի վերակառուցումն իր վարակիչ ազդեցությունն է ունեցել կենտրոնի բարեկարգման և աուտիզմ ունեցող երեխաների կարողությունների զարգացման գործում։ Օրերս բարերար Կարեն Վարդանյանը կենտրոնին է նվիրել բարձրակարգ ժամանակակից մարզասարքեր, որոնց շնորհիվ կենտրոն հաճախող երեխաներն ու դեռահասները մասնագետների օգնությամբ կպահպանեն իրենց ֆիզիկական առողջությունը։

«Իմ ուղին» վերականգնողական կենտրոնում այսօր, հոկտեմբերի 22-ին, կենտրոնի բարեկարգմանն աջակցելու և աուտիզմով երեխաների և երիտասարդների կյանքում մեծ ներդրում ունենալու համար շնորհակալագրեր հանձնվեցին բարերար Կարեն Վարդանյանին, «Իմ քայլը» հիմնադրամի գործադիր տնօերն Հովհաննես Ղազարյանին և «Իմ քայլը» խմբակցության պատգամավոր Նարեկ Մկրտչյանին, որը կամրջել էր համագործակիցներին։

Հավատացած ենք, որ համատեղ ջանքերով հնարավոր է նկատելի արդյունքներ ունենալ ներառական հասարակության կայացման գործում՝ նպաստելով հատուկ կարիքներով երեխաների կարողությունների առավելագույն զարգացմանը։


22 Հոկտեմբերի, 2019
Նորություններ

Այլ լուրեր

news-listing-img
date piker 29 Նոյեմբերի, 2019
«Իմ քայլը» հիմնադրամի ջանքերով Մեղրիի մանկապարտեզում կտեղադրվի արևային էներգիայով ջեռուցող համակարգ
«Իմ Քայլը» հիմնադրամի աջակցությամբ կհիմնանորոգվի Մեղրիի մանկապարտեզը, ինչպես նաև հիմնադրամի աջակցությամբ Հայաստանում Ճապոնիայի դեսպանությունը մանկապարտեզում կիրականացնի «Մեղրիի մանկապարտեզում արևային էներգիայով ջեռուցող համակարգ տեղադրելու» դրամաշնորհային ծրագիրը (51,154 ԱՄՆ դոլար)։
news-listing-img
date piker 18 Սեպտեմբերի, 2019
Աղքատության պարտությունը բոլորիս հաղթանակն է
Սեպտեմբերի 18-ին ՀՀ աշխատանքի և սոցիալական հարցերի նախարարությունը, «Իմ քայլը» հիմնադրամը և «Վորլդ Վիժն Հայաստանը» հրավիրել էին համատեղ ասուլիս, որտեղ ներկայացվեցին «Աղքատության փուլային հաղթահարում» ծրագրի արդյունքները։
news-listing-img
date piker 17 Սեպտեմբերի, 2019
«Աղքատության փուլային հաղթահարման» ծրագիրը Արցախի Հանրապետությունում
«Իմ քայլը» բարեգործական հիմնադրամը նպատակ ունի ամրապնդել սոցիալական ծրագրերի ներդրումն ու համակարգումը նաև Արցախի հանրապետությունում։ Այդ համատեքստում հիմնադրամը մշտապես փորձում է գտնել համախոհ անհատների և կազմակերպությունների, որոնց ներգրավվածությունն առավել արդյունավետ կդարձնի Արցախում աղքատության նվազեցումն ու ընտանիքների բարեկեցության հաստատումը ։